Шайх Умар Валий зиёратгоҳини саёхат килиш

Шайх Умар Валий Боғистоний, диққатга сазовор зиёратгоҳлардан бири ҳисобланади. У Тошкент вилояти Бўстонлиқ тумани Боғистон қишлоғида жойлашган. Туман маркази Ғазалкент шаҳридан ушбу зиёратгоҳгача масофа 55 км.ни ташкил этади. Шайх Умар Валий Боғистоний 12 аср оҳири 13 аср бошларида яъни, 1230 йил Боғистон қишлоғида таваллуд топган ва 1320 йилда 90 ёшида вафот этган.Ўзбекистон Мустақилликка эришгандан сўнг 2002 йилда Тошкент вилояти ҳокимлиги томонидан аллома яшаб ўтган жой қайта реконструкция қилиниб, мақбара ва зиёратгоҳга айлантирилган.Ушбу зиёратгоҳга Республикамизнинг турли вилоятлари ҳамда чет-эл фуқароларидан йилига 1500-2000 дан зиёд зиёратчилар ташриф буюрадилар. Ушбу зиёратгоҳ Угом-Чотқол давлат миллий табиат боғи ҳудудида жойлашган бўлиб, бугунги кунда Ўзбекистон маданий мероси рўйхатига киритилган.