Surxondaryo viloyatida tog‘li rekretsion hududlar, suv omborlari, ko‘llar va daryo sohillari imkoniyatlaridan samarali foydalangan holda tabiatga ziyon yetkazmagan holda turizmni rivojlantirish ishlari amalga oshirilmoqda.

Jumladan, Qumqo‘rg‘on tumanida joylashgan "Janubiy Surxon suv ombori" hududida umumiy maydoni 15,7 gektar bo‘lgan, qiymati 140 mlrd so‘mlik urizm kompleksi qurilishi rejalashtirilgan. Loyiha doirasida tabiiy muhitni asrab-avaylash, yangi yashil maydonlar tashkil etish, ekologik talablarga mos yo‘l va infratuzilmalar barpo etish hamda oqova suvlarni tozalash tizimini joriy qilish nazarda tutilgan.

Viloyat hokimi taklif va tavsiyalar asosida takomillashtirilgan loyiha taqdimoti bilan tanishdi. Hudud ko‘zdan kechirilib, qurilish ishlarini tizimli va bosqichma-bosqich amalga oshirish, belgilangan talablar asosida qisqa muddatlarda boshlash vazifalari topshirildi.

Manbaa: t.me/axborot_xizmati

  Xalqaro Turizm Akademiyasi, BMT Turizm tashkiloti hamda Le Roches 

🎓 “Mehmonxona biznesini boshqarish” kurslarining quyidagi modullariga o'qishga taklif etadi:                                       

6️⃣ Daromadlarni boshqarish- 13.10–14.11.2025
7️⃣ Investitsiya & Ko‘chmas mulk – 17.11–19.12.2025
8️⃣ Tadbirlarni boshqarish – 05.01–30.01.2026

📌 Format:
👩‍🏫 1-hafta – Darslar Akademiyada offline tarzda 
💻 2–4-haftalar - Onlayn va mustaqil topshiriqlar
🏨 5-hafta – Mehmonxonalarda amaliyot

💵 Narx: 120 USD / modul ( To’lovlar Markaziy bank kursida amalga oshiriladi)

🔥 Markaziy Osiyoda yagona!
✅ Xorijiy mutaxassislar
✅ Ingliz tilida ta’lim
✅ Video-intervyu orqali qabul

🚀 Malaka oshirish uchun eng yaxshi vaqt – hozir!
👉 Talabgorlar 2025-yil 6-oktabrgacha www.tourism-academy.uz saytidan ro’yxatdan o’tishlari mumkin.

📞 Qo‘shimcha ma’lumot uchun
Telefon: +99866-240-67-82
📧 Email: admissions@tourism-academy.uz

Maqola muallifi Sophie Ibbotson 16-22 avgust kunlari Hindiston, Pokiston va Buyuk Britaniyalik jurnalistlar safida Jizzax viloyatida media turda ishtirok etgan edi.

“O‘zbekistonga tashrif buyuruvchilarning aksariyati Samarqandning moviy me’morchiligidagi koshinlar hashamati, Buxoroning qadimiy ko‘chalari yoki Xivaning sahroda joylashgan qal’alari bilan tanishishga intiladi. Biroq, mashhur karvon yo‘llaridan tashqarida, sirli bir o‘lka yashiringan: bu yerda archazorlar tog‘ cho‘qqilarini quchadi, yulduzlar baland tog‘ osmonida to‘siqsiz charaqlab turadi va asriy pazandachilik an’analari yer ostidagi o‘choqlarda qaynaydi. Bu Jizzax -  Samarqand va Toshkent oralig‘idagi noyob javohir” deyiladi jumladan maqolada.

O‘zbekiston Respublikasi Prezidentining “2025–2026-yillarda sayyohlar oqimini keskin ko‘paytirish va turistik xizmatlar ko‘lamini jadal kengaytirish orqali turizmning iqtisodiyotdagi o‘rni va ahamiyatini oshirish chora-tadbirlari to‘g‘risida”gi PF-87-son Farmonida transchegaraviy qo‘shma turistik marshrutlarni kengaytirish maqsadida “Turkmaniston – Xorazm – Qoraqalpog‘iston – Qozog‘iston” yo‘nalishida turistik yo‘lak-halqani yaratish belgilangan.

Mazkur Farmonga asosan, transchegaraviy hamkorlik doirasida yangi turistik yo‘nalish — “Turkmaniston – Xorazm – Qoraqalpog‘iston – Qozog‘iston” yo‘nalishidagi turistik yo‘lak-halqa ishlab chiqildi.

Turizm qo‘mitasi tegishli tashkilotlar hamda xususiy sektor vakillari bilan hamkorlikda mazkur yo‘nalishni sayyohlar uchun qulay, mazmunli va madaniy boy kontentga ega qilib shakllantirdi. Yo‘nalishda sayyohlar quyidagi turizm turlari bilan tanishish imkoniyatiga ega bo‘ladi:

Gastronomik turizm – har bir mintaqaning milliy taomlari bilan tanishish;

Ekoturizm – tabiiy go‘zalliklar va landshaftlar bag‘rida dam olish;

Etnoturizm – xalq urf-odatlari, an’analari va hunarmandchilik namunalari bilan tanishish;

Ziyorat turizmi – muqaddas qadamjolar va tarixiy-ma’naviy obidalarni ziyorat qilish.

Yo‘nalish doirasida YUNESKOning Butunjahon merosi ro‘yxatiga kiritilgan hamda milliy va mintaqaviy ahamiyatga ega 15 dan ortiq obyekt qamrab olingan. Jumladan:

Turkmanistonda - Qadimgi Marv shahri, Darvoza gaz krateri, Ko‘xna Urganch;

Xorazmda - Ichan qal’a, Dushan qal’a;

Qoraqalpog‘istonda - I.V. Savitskiy muzeyi, Qizil qal’a, Chilpiq qal’a, Sulton Uvays Bobo ziyoratgohi, Tuproq qal’a, Ayoz qal’a;

Qozog‘istonda - Torish vodiysi, Bo‘zjira vodiysi, Shaqpaq Ota maqbarasi, Sherqal’a tog‘i.

Bu turistik halqa nafaqat sayohat ixlosmandlari, balki madaniyat, tarix, san’at va tabiatni sevuvchilar uchun ham chinakam kashfiyot bo‘lishi mumkin.

Sayyohlar va turistik tashkilotlarga mazkur yo‘nalish bo‘yicha mustaqil ravishda yoki turistik guruhlar tarkibida betakror sarguzashtlarga boy sayohatlarni tashkil etish tavsiya etiladi.

 Миллий статистика қўмитаси маълумотларига кўра, 2025 йилнинг январь-июль ойларида жами 6,3 млн нафар чет эл фуқаролари туристик мақсадларда Ўзбекистонга ташриф буюрган. 

 Бу кўрсаткич ўтган йилнинг мос даври билан солиштирилганда қарийб 2,1 млн нафарга ёки 48,9 % га ошган.

🌍 Уларнинг сони мамлакатлар бўйича қуйидагича:

Қирғиз Республикаси – 1 846 030 нафар;

Қозоғистон  – 1 466 535 нафар;

Тожикистон – 1 441 618 нафар;

Россия – 536 849 нафар;

Афғонистон – 267 485 нафар;

Туркманистон – 208 864 нафар;

Хитой – 103 158 нафар;

Туркия – 96 492 нафар;

Ҳиндистон – 38 008 нафар;

Корея Республикаси – 25 057 нафар;

Бошқа давлатлар – 289 023 нафар.

📊 Уларнинг сони сафар мақсадлари бўйича қуйидагича:

қариндошларни йўқлаш – 4 338 164 нафар;

сайёҳлик – 949 933 нафар;

хизмат юзасидан – 710 303 нафар;

тижорат – 255 136 нафар;

даволаниш – 54 882 нафар;

Жорий йилнинг 8-10 август кунлари Хива шаҳрида бўлиб ўтадиган "Қовун сайли" 2025 фестивалига  тайёргарлик жараёни...
 

Хоразм вилояти аҳолиси ва меҳмонлари диққатига!

Жорий йилнинг 8-10 август кунлари Хива шаҳрида бўлиб ўтадиган "Қовун сайли" фестивалида жамоат тартибини сақлаш ва аҳоли хавфсизлигини таъминлашга қаратилган тартиб-қоидаларга қатъий риоя қилишингизни сўраймиз.

Prezident Shavkat Mirziyoev Toshkent viloyatining Bo‘stonliq tumanidagi yangi turizm majmuasi imkoniyatlari bilan yaqindan tanishdi.

So‘nggi yillarda hududda infratuzilma rivojlantirilib, yilning to‘rt faslida maroqli sayohat uchun qulay sharoit yaratildi. Amirsoy, Chinorkent, Chorvoq darvozasi kabi ulkan majmualar, zamonaviy mehmonxonalar, dam olish va umumiy ovqatlanish maskanlari ishga tushirildi.

Endi bu safga “Chimyon” xalqaro umummavsumiy kurorti ham qo‘shiladi. Fransiyaning “MND” kompaniyasi bilan hamkorlikda amalga oshirilayotgan ushbu loyiha uchun 1 ming 278 gektar maydon ajratilgan.

Loyiha doirasida mehmonxonalar va dengiz sathidan 3 ming 300 metr balandlikkacha osma dor yo‘li quriladi. Bu to‘liq mavsumiy turizmni ta’minlaydi. Qishda chang‘i va snoubord, boshqa oylarda esa tog‘ sayyohligi va ko‘ngilochar hordiq imkoniyatlari paydo bo‘ladi.

Davlatimiz rahbari bu yerdagi mehmonxona, restoran va savdo majmualarini ko‘zdan kechirdi.

Jumladan, 6 qavatli zamonaviy mehmonxona 320 nafar sayyohni qabul qilish imkoniyatiga ega. Unda yil davomida o‘rtacha 45 ming turistga xizmat ko‘rsatilishi rejalashtirilgan. E’tiborlisi, bu yerda “Wyndham” brendi bilan hamkorlikda malakali boshqaruv yo‘lga qo‘yilmoqda. Bu nafaqat xizmat sifati, balki mamlakatimiz turizmining xalqaro nufuzini oshirishda ham muhim sanaladi. Mehmonxonani noyabrda ishga tushirish rejalashtirilgan.

Hududdagi yana bir loyiha doirasida 7 va 5 qavatli apart-otellar, 7 qavatli mehmonxona hamda 2 qavatli restoran qurildi. Ularda ham xizmat sifatini xalqaro standartlar darajasiga olib chiqish rejalashtirilgan. Yil davomida o‘rtacha 54 mingdan ziyod mehmonni qabul qilish mo‘ljallangan. Majmuada 100 dan ortiq kishi ishli bo‘ladi.

Ayni paytda 6 ta shale qurilishi davom etmoqda.

Prezidentimiz yangi majmualar qurish va xizmat ko‘rsatishda ilg‘or tajribalarni qo‘llash, xodimlar malakasini oshirish muhimligini qayd etdi. Hududdagi imkoniyatlarni turizm platformalarida targ‘ib etib, mahalliy va xorijiy sayyohlarni faol jalb etish yuzasidan ko‘rsatmalar berildi.

Shu yerda 300 ta avtomobilga mo‘ljallangan turargoh ham bor. Uning birinchi qavatida restoran, bolalar maydonchasi va savdo majmuasi tashkil etilgan. Bu nafaqat qulaylik, balki turistlar uchun qo‘shimcha xizmatlarni yaxlit taqdim etish imkoniyatini ham beradi.

Umuman, “Chimyon” umummavsumiy kurorti samarasida xizmat ko‘rsatish sohasida minglab yangi ish o‘rinlari, mahalliy aholi uchun barqaror daromad manbai paydo bo‘ladi. Turistlarga eng zamonaviy xizmatlarni taklif etib, mamlakatimizga tashrif buyuruvchi sayyohlar sonini sezilarli oshiradi.

Bo‘stonliqda turizm boshqa sohalar bilan uyg‘un tarzda rivojlanib, butun hududning iqtisodiy qiyofasini o‘zgartirayapti. Savdo va xizmatlar turi, transportlar harakati ko‘payyapti. Shu bois umummavsumiy kurort loyihasi doirasida avtomobil yo‘lida tunnel ham qurildi.

Ushbu inshoot tarkibiga uzunligi 1 ming 450 metr bo‘lgan asosiy yo‘l qismi, 2 ta ko‘prik va piyodalar yo‘laklari kiradi. U hududdagi tog‘ kurortlariga olib boruvchi asosiy yo‘lni qisqartiradi. Xavfsizlikni oshirib, transportlar harakatini yengillashtiradi. Tunnel orqali soatiga 500 dan ziyod avtomashinalar xavfsiz va qulay harakatlanishi mumkin.

Yo‘llar qulayligi hududning turizm salohiyatini to‘la ishga solish va iqtisodiyotni rivojlantirishning muhim omili ekani ta’kidlandi. Shu bilan birga, tabiatni musaffo saqlash, dam oluvchilarning ekologik madaniyatini oshirish muhimligi qayd etildi.

Bu kabi loyihalar turistlarga qulaylik yaratishi barobarida mamlakatimizning investitsiyaviy va madaniy jozibadorligini oshiradi. Bo‘stonliq bugungi kunda tabiiy go‘zalliklari, zamonaviy majmualari va yuksak xizmat madaniyati bilan ana shunday markazga aylanib bormoqda.

Hurmatli vatandoshlar! Hurmatli hamkasblar, do'stlar!

Jamoamiz sizni O'zbekiston Respublikasi Mustaqilligining 34 yilligi bilan tabriklaydi!

Sizga chin yurakdan mustahkam sog'lik, oilaviy farovonlik, hayotiy kuch, yangi g'alabalar va ishlaringizda muvaffaqiyatlar tilaymiz! Tahririyat

23-avgust kuni soat 21:00 dan Samarqandning  Registon maydonida "Dronlar shousi" o`tkazilarkan

Telefon: (+998) 91-708-9119 (+998) 95-870-0874

Isteʻmolchilar bilan munosabatning asosiy jihatlari:

1.   Qarama-qarshi fikr-mulohaza: mijozlarning fikr - mulohazalarini toʻplash va tahlil qilish – bu mahsulot va xizmatlar sifatini yaxshilash yoʻlidagi birinchi qadamdir. Veb-saytdagi soʻrovlar, anketalar va sharhlar kompaniya takliflarining kuchli va zaif tomonlarini ochib beradi.

2.   Mijozlarni qoʻllab-quvvatlash: ishonch telefonlari, elektron pochta va onlayn suhbatni oʻz ichiga olgan koʻp darajali qoʻllab-quvvatlash tizimini yaratish mijozlarning soʻrovlari va shikoyatlariga tezda javob berishga imkon beradi. Bu nafaqat qanoatlanishni yaxshilaydi, balki mijozlarni yoʻqotishning oldini olishga yordam beradi.

3.   Raqamli kanallardan foydalanish: ijtimoiy tarmoqlar va messenjerlar mijozlar bilan munosabat uchun muhim vositaga aylandi. Ular nafaqat savollarga javob berishga, balki yangiliklar va aksiyalarni baham koʻrish orqali tinglovchilar bilan faol aloqada boʻlishga imkon beradi.

4.   Ma’lumotlarni tahlil qilish: nafaqat ma’lumotlarni toʻplash, balki ularni tahlil qilish ham muhimdir. CRM (Customer Relationship Management – “mijozlar bilan munosabatlarni boshqarish”) tizimlaridan foydalanish mijozlarning xatti-harakatlarini, ularning xaridlari va sharhlarini kuzatishga imkon beradi, bu esa takliflarni shaxsiylashtirishga yordam beradi.

5.   Xodimlarni oʻqitish: xodimlarni mijozlar bilan muloqot qilish va ularning ehtiyojlarini tushunish koʻnikmalariga oʻrgatish muhim jihatdir. Xodimlar nafaqat muammolarni hal qilishga, balki mijozning tajribasini yaxshilaydigan echimlarni taklif qilishga ham tayyor boʻlishi kerak.

Ushbu jihatlar tashkilotlarga nafaqat oʻz mahsulotlari va xizmatlari sifatini yaxshilashga, balki mijozlar bilan uzoq muddatli munosabatlarni oʻrnatishga yordam beradi, bu esa oʻz navbatida ularning bozordagi muvaffaqiyatiga hissa qoʻshadi.

Nukusga kelgan sayyoh, tabiiyki, eng avvalo “Sahrodagi Luvr” nomi bilan mashhur bo‘lgan I.V. Savitskiy nomidagi Davlat san’at muzeyiga yo‘l oladi. Bu noyob maskan, haqiqatan ham, rus va Turkiston avangard san’atining bebaho durdonalarini o‘zida jamlagan. Ushbu kolleksiyaning zamirida nafaqat san’atga bo‘lgan muhabbat, balki kolleksionerning jasorati va XX asrning butun bir madaniy dramasi mujassam.

Savitskiy muzeyi yaqinida, atigi bir necha daqiqalik yurish masofasida, yana bir muhim muzey — Qoraqalpog‘iston tarixi va madaniyati davlat muzeyi joylashgan. O‘rta Osiyodagi eng qadimiy muzeylardan biri bo‘lmish bu muzey 1929-yilda asos solingan va dastlab To‘rtko‘ldagi o‘lkashunoslarning kichik ko‘rgazmasi sifatida faoliyat boshlagan. Bugungi kunda muzey kolleksiyasi 80 mingdan ortiq eksponatni o‘z ichiga oladi. Ular orasida zargarlik buyumlari, amaliy san’at asarlari, arxeologik topilmalar, shuningdek, rangtasvir asarlari va tabiiy ashyolar mavjud.

Bir qarashda bu oddiy o‘lkashunoslik muzeyidek tuyuladi: tarix, madaniyat, tabiat, etnografiya — barchasi o‘z o‘rnida, tartibda. Ammo aynan shu sodda ko‘rinishda uning beqiyos jozibasi yashiringan. Zallar ozoda va orasta, vitrinalar esa toza, nurafshon. Har bir eksponatga g‘amxo‘rlik va ehtirom bilan yondashilganini darhol sezish mumkin. Balki, bu go‘shada yetishmayotgan yagona narsa — gid yoki ekskursovod yordamisiz kelgan mehmonlar uchun har bir bo‘lim mazmunini ochib beruvchi lo‘nda, lekin boy tushuntirishlardir. Shunday izohlar bor joyda, har bir eksponat o‘z hikoyasini so‘zlab bera olardi — jimjitlik ichra tovushsiz gapirardi.

Yo‘nalish Orolbo‘yi hayvonot dunyosini o‘rganishdan boshlanadi. Bu yerda qadimgi hayvonlar va o‘simliklarning toshga aylangan qoldiqlari, shuningdek, Orolbo‘yida yashagan noyob va allaqachon yo‘q bo‘lib ketgan qushlar hamda hayvonlarning mumiyolangan namunalari namoyish etilgan.

Keyingi boʻlim — qadimiyat qa’riga sho‘ng‘ish. Navbatdagi zal sizni 1937-yildan 1991-yilgacha davom etgan keng ko‘lamli Xorazm arxeologik-etnografik ekspeditsiyasi natijalariga chorlaydi. Bu yerda qadimiy Xorazm shahar-qo‘rg‘onlaridan topilgan artefaktlar, maketlar va tarixni jonlantiruvchi eksponatlar namoyish etilgan. Har bir buyum — o‘tmishdan yetib kelgan sokin guvoh, har bir maket — ming yillik tarixning ko‘zgu kabidir.

Uning asoschisi va rahbari mashhur sovet arxeologi va etnografi Sergey Pavlovich Tolstov edi. U Xorazmni “O‘rta Osiyo Misri” deb atab, butun umrini uni o‘rganishga bag‘ishlagan. Mana, u taniqli o‘zbek arxeologi Yahyo G‘ulomovich G‘ulomov bilan birga rasmda tasvirlangan. Aytgancha, aynan shu ekspeditsiya bir paytlar qazishmalarni hujjatlashtirish uchun xizmat safariga yuborilgan rassom Igor Savitskiyni Qoraqalpog‘istonga olib kelgan edi. Shunday qilib, buyuk kolleksiyaning tarixi boshlanib ketdi.

Eng yorqin zal etnografik zal hisoblanadi. U, shubhasiz, katta taassurot qoldiradi. Bu yerda qadimiy kiyimlar, zargarlik buyumlari, qurol-yarog‘lar va sovutlar, musiqa asboblari mavjud. Ayniqsa, ot anjomlarini namoyish etish usuli e’tiborga loyiqdir: vitrina o‘rniga metall simlardan yasalgan tabiiy o‘lchamdagi ot shakli o‘rnatilgan. Unga an’anaviy jihozlar — yugan, egar va bezaklar kiydirilgan. Ko‘rinishi oddiy, ammo juda ko‘rgazmali: eksponatlar shunchaki muzey vitrinasining bir qismi bo‘lib qolmay, balki jonli manzaraning ajralmas qismiga aylanadi.

Marshrutni Qoraqalpog‘istonning zamonaviy tarixidagi asosiy voqealarga bag‘ishlangan zal yakunlaydi. Bu yerda XX asrda respublika qanday shakllanganini kuzatish imkonini beruvchi hujjatlar, suratlar va yaqin o‘tmishga oid narsalar joylashgan.

Ko‘rgazmani qoraqalpoq rassomlarining doston va rivoyatlardan ilhom olib yaratgan asarlari to‘ldiradi. Birinchi qavatda an’anaviy o‘tov ham mavjud — mintaqaning madaniy kodiga sayohatingizni yakunlash uchun uning ichiga kirib ko‘ring.

Nukusdagi Bazarbay Serekeyev uy-muzeyi

Nukus mehmonlarining noyob imkoniyati bor — qoraqalpoq tasviriy san’atining tirik merosiga bevosita qo‘l tekkizish va mintaqaning eng yirik rassomlaridan biri Bazarbay Serekeyevning uy-muzeyini ziyorat qilish. Muzey shahar chekkasidagi mahallada joylashgan — bu joy tinch, ko‘chadan deyarli sezilmaydi. Ammo eshik qo‘ng‘irog‘ini bosishingiz bilanoq, sizga nur, bo‘yoqlar va ona yurtga bo‘lgan chin muhabbat bilan to‘lib-toshgan olamning eshiklari ochiladi.

Bazarbay Serekeyev O‘zbekistonning xizmat ko‘rsatgan rassomi bo‘lib, uning asarlari Toshkent muzeylarida, Nukusdagi Savitskiy muzeyi to‘plamida, shuningdek Yevropa, Osiyo va Afrika sanat galereyalarida saqlanmoqda. Uning ijodi oddiy xalq hayotini, Qoraqalpog‘iston tabiatini, kundalik turmush manzaralarini aks ettiradi va ularda doimo milliy ruh sezilib turadi.

Uy-muzeyning birinchi qavati galereyaga ajratilgan. Bu yerda sizni rassom ijodining so‘nggi davr asarlari kutib oladi: u asta-sekin naturadagi aniqlikdan yanada dadil va ifodali uslubga o‘tgan. Kartinalar erkin va jonli energiya bilan to‘lib, yirik hamda yorqin bo‘yoq surtmalari bilan yaratilgan.

Markaziy Osiyoda asrlar davomida qimiz, ayron yoki suv saqlash uchun qo‘llanilgan an’anaviy idish — rassom tomonidan bezatilgan qovoq-bo‘g‘iz idishlari alohida e’tiborni tortadi. Serekeyev ularni g‘aroyib tasviriy san’at asarlariga aylantiradi. Bu uslubni keyinchalik uning o‘g‘li, neoekspressionizm yo‘nalishida ijod qiluvchi rassom Baxtiyor Serekeyev o‘zlashtiradi va yanada rivojlantiradi.

Ikkinchi zaldagi portretlar diqqatni darhol o‘ziga tortadi. Rassomning mahorati bilan yaratilgan bu asarlarda insonlarning xarakteri, milliy xususiyatlari va qahramonlarning ichki qudrati dadillik va aniqlik bilan aks ettirilgan.

Ko‘zga tashlanmaydigan eshik ortida kichkina “xazina” yashiringan — bu asosiy ko‘rgazmaga kiritilmagan asarlar saqlanadigan javondir.

Eng shaxsiy makon — rassomning ikkinchi qavatdagi ustaxonasi. Bu yerda hamma narsa 2017-yilda, Bozorboy Serekeyev olamdan o‘tganidan keyin qanday bo‘lsa, shundayligicha saqlanib qolgan. Devorlarda turli yillarda yaratilgan asarlar tartibsiz holda osilib turibdi. Stol ustida mo‘yqalamlar, palitralar yotibdi, xonaning markazida esa molbert joylashgan. Nazarda, hoziroq eshik ochilib, rassom o‘z ishini davom ettirish uchun kirib kelayotgandek tuyuladi.

Ichki hovlida qoraqalpoqlarning an’anaviy o‘tovi joylashgan. Agar siz muzeyga ekskursiya bilan tashrif buyursangiz, sizga o‘tov ichiga kirib ko‘rishni va hatto milliy taomdan tatib ko‘rishni taklif etishadi. Bu shunchaki yoqimli qo‘shimcha emas — bu umumiy muhitning bir qismi bo‘lib, unda tasviriy san’at, turmush tarzi va an’analar yagona jonli hikoyaga uyg‘unlashadi.

2025 yil 1-sentabr kuni Xitoy Xalq Respublikasining poytaxti Pekin shahrida O‘zbekiston Turizm ofisi tantanali ravishda ochildi. Ushbu muhim tadbir oliy darajadagi rasmiy tashrif doirasida o‘tkazildi va ikki mamlakat o‘rtasidagi do‘stona munosabatlar, o‘zaro ishonch hamda strategik sheriklikning yana bir yorqin timsoliga aylandi.
Manba: https://gov.uz/oz/uzbektourism/news/view/82463)

—
Uzbekistan Tourism office opens in Beijing

On September 1, 2025, the Uzbekistan Tourism Office was officially inaugurated in Beijing, the capital of the People’s Republic of China. This important event took place within the framework of a high-level official visit and became another vivid symbol of the friendly relations, mutual trust, and strategic partnership between the two countries.

(https://gov.uz/en/uzbektourism/news/view/82463)

2025-yil 23-avgust kuni Buxoro viloyatining Jondor tumanida joylashgan “Ushot” turizm qishlog‘ining tantanali ochilish marosimi bo‘lib o‘tdi. Unda turizm sohasi vakillari, mahalliy aholi hamda keng jamoatchilik ishtirok etdi.

Tadbirni Buxoro viloyati hokimi o‘rinbosari Botirjon Shaxriyorov kirish so‘zi bilan ochib berdi. U o‘z nutqida viloyatda turizm sohasini rivojlantirish bo‘yicha olib borilayotgan islohotlar, shuningdek, turizm qishloqlarining iqtisodiy va madaniy ahamiyati, chekka hududlarda xizmatlar sohasini diversifikatsiya qilish va shu orqali yoshlarning, ayollarning muqim bandligini ta'minlashga erishish haqida alohida to‘xtalib o‘tdi.

So'ng, O'zbekiston Respublikasi Turizm qo'mitasi tomonidan Jondor tumanining Ushot qishlog'iga "turizm qishlog'i" maqomi berilgani to'g'risidagi sertifikat tantanali ravishda taqdim etildi.

Tadbir davomida turizm sohasi vakillari uchun "Ushot" turizm qishlog‘ida yangi tashkil etilgan turistik obyektlar bilan tanishtirish maqsadida infotur tashkil etildi. Mehmonlar qishloqdagi mehmon uylari, hunarmandchilik ustaxonalari, “O‘zbek non madaniyati xonadoni” va boshqa turistik imkoniyatlar bilan yaqindan tanishishdi.
 

Mehmonlarni nafis go‘shtli taomlar, ko‘cha taomlari, jonli musiqa, tanlovlar, fotosurat zonalari va boshqa interaktiv tadbirlar kutmoqda.

🎫 Kirish bepul
📆 2–3 avgust, soat 16:00 dan 23:00 gacha
📍 Taras Shevchenko ko‘chasi

Iqtisodiy tadqiqotlar va islohotlar markazi 2017-2024 yillarda O‘zbekistonda turizm sohasida amalga oshirilgan islohotlar natijalarini o‘rgandi.

Tahlillarga ko‘ra, ushbu davrda turizm iqtisodiyotning strategik tarmog‘iga aylandi: xorijiy sayyohlar soni qariyb to‘rt barobarga oshdi, turistik xizmatlar eksporti o‘n baravardan ziyod o‘sdi, sohada bandlik ikki barobarga ko‘paydi. Viza rejimining liberallashuvi, yirik investitsiyalar va infratuzilmani modernizatsiya qilish natijasida O‘zbekiston sayyohlik oqimini jadal oshirishga va xalqaro maydonda o‘z imijini mustahkamlashga erishdi.

So‘nggi yillarda turizm O‘zbekistonda ijtimoiy-iqtisodiy taraqqiyotning ustuvor yo‘nalishlaridan biri bo‘ldi. Mamlakatda turizm sohasini rivojlantirish, uning imkoniyatlarini aholi va jahon jamoatchiligi orasida ommalashtirish bo‘yicha tizimli chora-tadbirlar amalga oshirildi.

2017 yildan boshlab vizaviy rejim liberallashtirildi, infratuzilma modernizatsiya qilindi va ichki hamda xalqaro turizm qo‘llab-quvvatlandi. Bu orqali turizm iqtisodiy diversifikatsiya, ish o‘rinlari yaratish va mamlakatning ijobiy imijini dunyoga targ‘ib etishning strategik sohasiga aylandi.

«To‘siqsiz turizm» infratuzilmasini kengaytirish doirasida 93 mamlakat fuqarolari uchun viza bekor qilindi. Elektron viza orqali 56 mamlakat fuqarolari mamlakatimizga tashrif buyurishi mumkin. 47 davlat fuqarolari uchun tranzit vizasiz besh kungacha turish huquqi beriladi. 76 davlat fuqarolari uchun turistik vizani rasmiylashtirish tartibi soddalashtirildi.

2024 yilda Xitoy Xalq Respublikasining Sian, Pekin, Shanxay, Chansha, Guylin, Guanchjou, Sanya, Shenchjen, Honkong va Chendu shaharlarida yirik turoperatorlar bilan uchrashuvlar o‘tkazilib, O‘zbekistonning turistik salohiyati taqdim etildi.

Yevropa, Shimoliy Amerika, Osiyo-Tinch okeani mintaqasi, Yaqin Sharq, Xitoy va Markaziy Osiyoda «World Media», «Blue Sky», «Sky one», «Wanderlust», «Euronews» kabi yirik mediakorporatsiyalar bilan hamkorlikda O‘zbekistonning xalqaro imiji targ‘ib etildi. Shuningdek, «Ctrip.com», «Holiday factory», «Voyage Prive» kabi onlayn platformalar va xorijiy telekanallar orqali reklama qilindi.

2024 yilning 25-26 aprelida Xiva shahrida«Shahrisabz – Iqtisodiy hamkorlik tashkilotining turistik poytaxti» tadbirlari bo‘lib o‘tdi. 31 may-2 iyun kunlari «Xiva – 2024 yil Islom dunyosi turistik poytaxti» va Islom hamkorlik tashkilotiga a’zo davlatlar turizm vazirlari XII majlisi tashkil etildi.

2023 yil 16-20 oktabrda Samarqand shahrida Jahon turizm tashkiloti (YuNVTO)Bosh Assambleyasining 25-sessiyasi o‘tkazildi. Unda 127 mamlakatdan 1200 dan ortiq ishtirokchi qatnashdi (Ular orasidan 70 dan ortiq delegatsiya vazirlar darajasida, 25 ta delegatsiya a’zo davlatlarning vazir o‘rinbosarlari darajasida, yirik turizm biznesining 120 vakili, mehmondo‘stlik sohasidagi yetakchi xalqaro oliy ta’lim muassasalarining 90 dan ortiq vakili hamda yetakchi xorijiy ommaviy axborot vositalarining 150 vakili qatnashdi). O‘zbekistonni «Ipak yo‘li turizmi» markaziga aylantirish maqsadida Bosh Assambleyaning ushbu sessiyasi doirasida Samarqandda YuNVTO Tematik ofisini ochish va unga diplomatik maqom berish to‘g‘risida qaror qabul qilindi. Shuningdek, Samarqand shahriga «Jahon madaniy turizmi poytaxti» maqomi berish to‘g‘risida deklaratsiya qabul qilindi.

Turistik oqim dinamikasi tahlili asosida 40 dan ortiq mamlakat sayyohlari uchun yangi yo‘nalishlar ishlab chiqildi.  

Respublikadagi umumiy turistik yo‘nalishlar soni 95 taga yetdi.

Ovqatlanish maskanlari va mehmonxonalarda «Halol», «Kosher» va «Vegan» standartlari joriy etilmoqda.

2022 yilning sentabridan «O‘zbekiston bo‘ylab sayohat qil!» dasturi doirasida ichki turizm uchun «Keshbek» tizimi yo‘lga qo‘yildi.

2024 yilda Xitoyning yirik «Trip.com» platformasida O‘zbekiston turizmini targ‘ib qilish dasturi ishga tushirildi.  

Natijada faqatgina ushbu platforma orqali kelgan xitoylik sayyohlar soni 37,7 ming nafarga yetdi. Turizm biznesi vakillari o‘rtasida hamkorlikni kengaytirish maqsadida 3 ta biznes-forum tashkil etildi. Natijada 2024 yilda jami 57 mingdan ziyod xitoylik sayyoh mamlakatimizga tashrif buyurdi (o‘tgan yilga nisbatan 1,6 barobar ko‘p).

2022-2024 yillarda «Toshkent siti», «Samarqand turizm markazi», «Afsonalar vodiysi», «Arda Xiva» va «Miraki turizm markazi» kabi yirik ob’ektlar ishga tushirildi.

Samarqandda yangi xalqaro aeroport, 8 ta mehmonxona, kongress-xoll, park va boshqa hordiq maskanlari faoliyati yo‘lga qo‘yilib, uni «Yangi turizm darvozasi» sifatida tanitdi.

Hududlarda «Turizm mahallasi», «Turizm qishlog‘i», «Turizm ovuli» va «Tabarruk ziyorat» kabi yangi tur mahsulotlar ommalashmoqda.

Jizzax, Navoiy, Qashqadaryo, Samarqand, Surxondaryo, Toshkent va Namangan viloyatlarida 12 ta «turistik qishloq» ish boshladi. Ular yiliga qo‘shimcha 4 mln. sayyohga xizmat ko‘rsatish imkoniga ega.

Mo‘ynoq va Parkent tumanlarida ekstremal turizmni rivojlantirish maqsadida parashyutdan sakrash va aerodayving xizmatlari tashkil etildi.

Turizm qo‘mitasi ma’lumotiga ko‘ra, 2024 yilda O‘zbekistonda 3686 turoperator faoliyat yuritdi (2017 yilda – 749 ta). Ilk bor turoperatorlarning xorijiy sayyohlarni jalb qilish bilan bog‘liq xarajatlarini moliyalashtirish uchun 50 mln. dollarlik 10 yillik kredit ajratildi.

Mehmonxona o‘rinlari soni 2017 yildagi 37 mingdan 2024 yilda 161 mingga yetdi (4,4 barobar o‘sish).

Turizmning iqtisodiyot rivojlanishiga muhim hissalaridan biri, xususan, aholi turmush darajasini oshirish va kambag‘allikka qarshi kurashish jarayonida, aholini ish bilan ta’minlash hisoblanadi. Turizm qo‘mitasi ma’lumotlariga ko‘ra, 2017-2024 yillarda ushbu sohada aholi bandligi 2 barobarga oshgan. 2024 yilda turizm sohasida 391 ming kishi ishlagan (2017 yilda – 187 ming).

Asta-sekin mahalliy va xorijiy sayyohlar soni ortib bormoqda.

2017 yilda 10,6 mln. turist bo‘lsa, 2024 yilda ichki sayyohlar soni 22 mln. nafarga yetdi.

2024 yilda O‘zbekistonga 10,1 mln. xorijiy sayyoh tashrif buyurdi (2017 yilga nisbatan 3,7 barobar ko‘p).

Turizm xizmatlari eksporti 2023 yilda 3,4 mlrd. dollarni tashkil etdi (2019 yilda – 951 mln. dollar, 2021 yilda – 296,4 mln. dollar). 2017-2024 yillarda umumiy eksport hajmi 10,7 mlrd. dollarga yetdi.

Xulosa qilib aytganda, so‘nggi yillarda mamlakatimiz Prezidenti tashabbuslari bilan turizmni rivojlantirishga alohida e’tibor qaratilmoqda, mavjud imkoniyatlarni samarali ishlatish va ularni kengaytirish bo‘yicha zarur chora-tadbirlar amalga oshirilmoqda.

O‘zbekistonda olib borilgan islohotlar turizmni ikkinchi darajali sohadan iqtisodiyotning strategik sektoriga aylantirdi. Turizm milliy iqtisodiyotning «o‘sish nuqtalari»dan biriga aylanib, fuqarolar daromadlarini oshirishga xizmat qilmoqda va yangi ish o‘rinlari yaratishning muhim omillaridan biri bo‘lmoqda. Vizaviy liberallashtirish, yirik investitsiyalar, infratuzilmani modernizatsiya qilish va xalqaro marketing hisobiga mamlakat sayyohlik oqimlarida ta’sirli o‘sishga erishdi va jahon maydonida tan olindi.

Shu bilan birga, barqaror rivojlanish uchun turmahsulotlar assortimentini kengaytirish, xizmatlar sifatini oshirish va global turistik zanjirlarga integratsiya zarur. Turizm yaqin kelajakda O‘zbekistonning ijtimoiy-iqtisodiy o‘sish «lokomotivi»ga aylanish imkoniyatiga ega.

https://uza.uz/uz/posts/turizmni-ozbekistonning-izhtimoiy-iqtisodiy-osish-lokomotiviga-aylantirish-imkoni-bor_763302

Namangan viloyatidan o‘tgan “Kamchik” dovonida yangi turizm maskani barpo etiladi

Namanganda ikkinchi uyg‘onish davri: turizm yo‘nalishida yangi lokatsiyalar barpo etilmoqda. Xususan, vodiyni mamlakatimiz poytaxti bilan bog‘laydigan “Kamchik” dovonining Namangan viloyatidan o‘tgan qismida zamonaviy dor yo‘li va dam olish majmuasi quriladi. Loyiha 90 gektar maydonni qamrab oladi, va uni Avstriyaning Doppelmayr / Garaventa guruhi  amalga oshiradi. 

Doppelmayr / Garaventa guruhi  — Avstriya va Shveysariyada tashkil topgan, kanatli yo‘llar (ropeways), gondolalar, liftlar, yo‘lovchi va material tashish sistemalari ishlab chiqaruvchi yirik kompaniyalar guruhi. Guruh turli texnologiyalar, sistemalar va xizmatlar bo‘yicha yetarlicha keng portfelga ega. Kompaniya dunyo bo‘ylab 96 ta mamlakatda 15,000 dan ortiq kanat yo‘llari loyihalashtirgan.  

Bugun Namangan viloyati hokimi Shavkatjon Abdurazzoqov Doppelmayr / Garaventa guruhi  vakillari – Joxannes Triebnik, Valeriy Yashin, Yevgeniy Kuprinni qabul qildi. 

O‘zaro muloqotda loyihaning ahamiyati va amalga oshiriladigan qurilish ob’ektlari muhokama qilindi. 

Ta’kidlash joiz, mazkur loyihani Namanganning yirik tadbirkorlaridan biri - "Aisha group" kompaniyasi rahbari Jobirxon Kamalitdinov moliyalashtirmoqda. 

Manba: Namangan viloyati hokimligi Axborot xizmati.

Har yili an’anaviy tarzda o’tkazib kelinayotgan festival doirasida ma’daniy dasturlar, o’zgacha tamlar, qadimiy Xorazm udumlariga mos turli hil o’yin va tomoshalarga guvoh bo’lasiz!

Bu ka’bi sayl, festival va tadbirlarni o’tkazishdan asosiy maqsad,- yosh avlodlarda milliy qadriyat, vatanga muhabbat hamda qadim a’nanalarni unuttirmaslikdir.

Ushbu uch kun mobaynida Xorazm turizm salohiyatinikeng namoyish qilib, dunyo  turizm bozorida cho’qqiga olib chiqish ko’zda tutilgan!

Hafta yakunida ham ziyorat, ham madaniy hordiq olish imkoniyatini qo’ldan chiqarmang!

Bizdan uzoqlashmang!

Barchani "Qovun sayli" ga taklif qilamiz!

Assalomu alaykum Xorazm hamda Qoraqalpog'istonda gidlik hamda transport xizmati ko'rsatamiz ingliz tilida. Transportlarimiz Treker va cobalt mashinalari. +99894 230 96 96  +99888 458 5254

Respublika ishchi guruhi tomonidan Jondor tumanining "Ushot" MFYga qarashli “Ushot” qishlog‘iga “turizm qishlog‘i” maqomini berish yuzasidan o‘rganish ishlari amalga oshirildi.

O‘rganish jarayonida qishloqdagi mavjud turizm infratuzilmasi, xususan, hunarmandchilik bilan shug‘ullanayotgan xonadonlar, oilaviy mehmonxona ochish istagida bo‘lgan fuqarolar yashash joylari, hunarmandchilik markazi faoliyati, hududdagi xavfsizlik holati hamda mavjud turizm obyektlari atroflicha ko‘rib chiqildi.

O'rganish davomida aniqlangan mavjud kamchiliklarni bartaraf etish, turizm salohiyatini yanada oshirish bo‘yicha tegishli mas’ullarga amaliy tavsiyalar hamda ko‘rsatmalar berildi.

Ta'kidlash joizki, bu kabi chora-tadbirlar turizm infratuzilmasini rivojlantirish, aholi bandligini ta'minlash hamda qishloq turizmini kengaytirishga xizmat qiladi.